NEWS.am-ի հավաստի տեղեկություններով, օրերս ոստիկանության կազմակերպված հանցավորությունների բաժին են հրավիրել բլոգեր Արգամ Ուստյանը, որն ըստ լուրերի, մեղադրվում է պոռնոգրաֆիայի տարածման մեջ: Բլոգերն իր argamblog.com կայքում, մասնավորապես, տեղեկացրել է, որ կրկին բացվել է Անժելա Սարգսյանի անունը կրող կայքը, որտեղ զետեղված են դերասանուհու սկանդալային պոռնոլուսանկարները:
Մեր աղբյուրի փոխանցմամբ, դերասանուհին դիմել է ոստիկանության կազմակերպված հանցավորության դեմ պայքարի բաժին ու հայտնվել, որ իր նկարներն օգտագործվում են բլոգի վարկանիշը բարձրացնելու համար, ինչի հետեւանքով էլ բլոգերը հրավիրվել է 6-րդ վարչություն:
NEWS.am-ի թղթակցի հետ զրույցում բլոգերը չցանկացավ խոսել այդ թեմայով եւ որեւէ մեկնաբանություն տալ կատարվածին, միայն նշեց, որ կայքում դրվել է երեք լուսանկար, որոնք պոռնոգրաֆիկ բնույթի չեն եղել ու հասանելի են բոլորին:
