Փրկարարները «Կոստա Կոնկորդիա» խորտակված զբոսանավի վրա եւս չորս դիակ են գտել: Նրանց թվում Ռիմինի քաղաքի բնակչուհի հնգամյա Դայանա Առլոտիի մարմինն է, որը ճանապարհորդության էր մեկնել հոր հետ: Բոլոր չորս զոհերին գտել են նավի չորրորդ տախտակամածում:
Մինչեւ այսօր նավաբեկության հետեւանքով անհետ կորածների ցուցակում 15 մարդ էր նշվում: Այժմ փրկարարները պետք է գտնեն եւս 11 զոհերի մարմինները, գրում է «ՌԻԱ Նովոստին»:
Հիշեցնենք, նախօրեին` փետրվարի 21-ին, փրկարարները վերսկսել էին որոնողական աշխտանքնորը, որոնք դադարեցվել էին հունվարի 31-ին: Իտալացի փրկարարներին օգնելու են եկել Շվեդիայի, Ֆրանսիայի, Գերմանիայի եւ Շվեյցարիայի մասնագետները:
«Կոստա Կոնկորդիան» , որի վրա շուրջ 4 հազար մարդ է գտնվել, նավաբեկության է ենթարկվել 2012թ. հունվարի 14-ին իտալական Ջիլյո կղզու մոտակայքում: Արդյունքում 21 մարդ զոհվել է, եւս 11-ն անհետ կորած են:
