Արգենտինայի մայրաքաղաք Բուենոս Այրեսում տեղի ունեցած երկաթուղային վթարի արդյունքում զոհերի թիվը հասել է 49-ի, վիրավորների թիվը մի քանի հարյուրների է հասնում:
Ինչպես հաղորդում է «ՌԻԱ Նովոստին», դեպքի վայրում գտնվել են հրշեջ ծառայության եւ շտապօգնության մեքենաները:
Ինչպես տեղեկացրել էր NEWS.am-ը, Once կայարանում ուղեւորատար գնացքը, որը շարժվում էր մեծ արագությամբ` 20 կմ/ժամ, հարվածել եւ մտել է արգելափակոցի մեջ, արդյունքում գլխամասային մի քանի վագոններ դեֆորմացվել են: Որոշ ուղեւորներ արգելափակվել են դեֆորմացված վագոններում, մյուսները տուժել են ջարդված ապակիների պատճառով:
Հաղորդվում է, որ տուժածների թիվը գերազանցում է 500-ը: