ԱՄՆ-ում «Փարոս» բարեգործական հիմնադրամը Հարավային Քոլիֆորնիայի հայ համայնքներին հրավիրում է մարտի 11-ին Թասթինի «Zov’s Bistro»-ում կայանալիք միջոցառմանը, հաղորդում է «Asbarez»-ը: «Փարոսը» մտադիր է աջակցություն ցուցաբերել Հայաստանում ընտանեկան բռնության զոհերին` օթեւանի տրամադրման եւ մասնագիտական ծառայությունների մատուցման միջոցով:
«Փարոս» հիմնադրամն անցած տարի կենտրոն-ապաստան է բացել բռնությունից տուժած կանանց համար Հայաստանի Պտղունք գյուղում: Վտանգի մեջ գտնվող կանանց համար հիմնադրամը թեժ գիծ ունի` «20-80», որին անվճար կարելի զանգահարել Հայաստանի ցանկացած վայրից:
Հիմնադրամի մյուս կարեւոր ծրագրերը ներառում են մասնագիտական ուսուցում, հոեգեբանական խորհրդատավություն եւ բուժում, կարի եւ խոհարարական, ինչպես նաեւ մանկաբարձա –գինեկոլոգիական, ատամնաբուժական դասընթացներ եւ այլն: Նաեւ Հայաստանի եւ Ղարաբաղի կարիքավորների համար առաջին անհրաժեշտություն ապրանքներ կհավաքվեն եւ կտրամադրվեն: