Բաղդադում մի շարք ահաբեկչությունների եւ հրաձգության հետեւանքով առնվազն 48 մարդ է զոհվել, տասնյակ մարդիկ էլ վնասվածքներ են ստացել: Նման տվյալներ է հայտնում BBC-ի ռուսական ծառայությունը:
Հիշեցնենք, որ ամենալուրջ դեպքը տեղի է ունեցել քաղաքի կենտրոնում` շիական Քարադա շրջանում, որտեղ պայթյուն էր տեղի ունեցել ոստիկանական անցակետի մոտ, որի հետեւանքով սպանվել էին 9 մարդ:
Այնուհետեւ Բաղդադի հյուսիսում գտնվող Քադիմիա շրջանում ականապատ մեքենայի պայթյունից զոհվել էին 6 մարդ, եւս վեցը մահացել էին մայրաքաղաքի Սարաֆիա շրջանում ոստիկանական անցակետի վրա գրոհայինների հարձակման ժամանակ:
Քադիմիայի առեւտրի կենտրոնում գլխավոր փողոցի վրա կայանած միանգամից 4 մեքենա է պայթել:
Հայտնվում է նաեւ Սալախումի, Դիայալա եւ Քիրքուք նահանգներում ռումբերի պայթյունների մասին:
Ահաբեկչական գործողությունների պատասխանատվությունը դեռ ոչ մի կազմակերպություն չի ստանձնել:
