Արցախի հանրապետության նախագահ Բակո Սահակյանն այսօր` փետրվարի 24-ին, հանդիպում է ունեցել Ազգային ժողովի «Ժողովրդավարություն» խմբակցության անդամների հետ:
ԼՂՀ նախագահի մամուլի գրասենյակից NEWS.am-ին հայտնում են, որ հանդիպման ընթացքում քննարկվել է երկրի ներքին ու արտաքին քաղաքականությանը վերաբերող հարցերի լայն շրջանակ:
Երկրի ղեկավարը նման ձեւաչափով խորհրդատվությունները համարել է դրական եւ օգտակար` ընդգծելով, որ դրանք ըստ ամենայնի նպաստում են մեր հանրապետության առջեւ ծառացած խնդիրների շուրջ մտքերի կառուցողական փոխանակությանը:
Հանդիպմանը մասնակցում էր Ազգային ժողովի նախագահ Աշոտ Ղուլյանը: