![](img/news/82/50/13/default.jpg)
Թուրքիայի Կենտրոնական բանկը երկրորդ ամիսն անընդմեջ զեղչի դրույքը թողել է անփոփոխ՝ 50 տոկոս։ Դրա մասին ասված է կարգավորողի Արժութային քաղաքականության խորհրդի նիստից հետո տարածված հաղորդագրության մեջ։
ԿԲ հաղորդագրության մեջ նշվում է, որ վարկավորման և ներքին պահանջարկի վրա դրամավարկային խստացման ազդեցությունը ուշադիր վերահսկվում է:
«Հաշվի առնելով դրամավարկային քաղաքականության խստացման հետաձգված ազդեցությունը՝ խորհուրդը որոշել է անփոփոխ թողնել փոխարժեքը, սակայն վերահաստատել է իր զգուշավոր դիրքորոշումը գնաճային ռիսկերի վերաբերյալ»,- ասված է հաղորդագրության մեջ։
Թուրքիայի կենտրոնական բանկից նաև հայտնել են, որ ԿԲ-ի դրամավարկային խիստ քաղաքականությունը կպահպանվի մինչև սղաճի հիմքում ընկած ամսական միտումը էական և կայուն անկում ցույց չտա, և գնաճային ակնկալիքները համապատասխանեն կանխատեսվող միջակայքին:
Ըստ պաշտոնական տվյալների՝ ապրիլի վերջին Թուրքիայում գնաճը տարեկան կտրվածքով հասել է 69,8 տոկոսի՝ մարտ ամսվա՝ 68,5 տոկոսի դիմաց։ Միևնույն ժամանակ, մի խումբ անկախ տնտեսագետներ ENAG-ը նախորդ ամիս երկրում գնաճի մակարդակը գնահատել է 124,35%:
*Զեղչի դրույքը ֆինանսական եզրույթ է, ֆինանսական կատեգորիա, որն օգտագործվում է վարկավորման առնչվող գործընթացները բնութագրելու համար: Զեղչի դրույքն այն տոկոսադրույքն է, որի համաձայն երկրի Կենտրոնական բանկը վարկեր է տրամադրում առևտրային բանկերին։