Ճշտված տվյալներով` Արգենտինայի երկաթուղային վթարի արդյունքում զոհվել է 51 մարդ: Ավելի վաղ հաղորդվել էր 49 զոհերի եւ 600-ից ավելի վիրավորների մասին:
Վթարի զոհերի թիվը կարող է աճել, քանի որ ավերակների տակ դեռ մարդիկ են մնացել, հաղորդում է KM.ru-ն:
Արգենտինայում երկօրյա սուգ է հայտարարվել:
Ինչպես ավելի վաղ հայտնել էր NEWS.am-ը, Բուենոս Այրեսում երեւանյան ժամանակով ժամը 15:32 ուժեղ վթար է տեղի ունեցել: Ուղեւորատար գնացքն ընթացել է 20կմ/ժ արագությամբ եւ բախվել արգելապատնեշին, ինչի արդյունքում վնասվել է դիզելը, եւ վագոնները դեֆորմացվել են: Որոշ ուղեւորներ շրջափակված են մնացել դեֆորմացված վագոններում, ոմանք էլ տուժել են կոտրված ապակիներից: