Հարավաֆրիկյան Հանրապետության նախկին նախագահ 93-ամյա Նելսոն Մանդելային շտապ տեղափոխել են Յոհաննեսբուրգի հիվանդանոց` որովայնի հատվածում ցավերի գանգատներով: Այդ մասին հայտնել են երկրի գործող նախագահ Ջեյքոբ Զումայի աշխատակազմից:

Վերջին ութ տարիներին Մանդելան շատ քիչ է հայտնվում հասարակության մեջ, հայտնում է BBC-ն:

Նելսոն Հոլիլալա Մանդելան ՀԱՀ-ի առաջին սեւամորթ նախագահն է եղել` 1994 թվականի մայիսի 10-ից մինչեւ 1999 թվականի հուլիսի 14-ը, նա մարդու իրավունքների ամենահայտնի պաշտպաններից էր ռասայական խտրականություն ժամանակահատվածում, որի համար 27 տարի բանտ է նստել, 1993 թվականից նա նաեւ Նոբելյան խաղաղության մրցանակի դափնեկիր է: