Gallup ըկերությունը ամբողջ աշխարհի պոտենցիալ միգրանտների շրջանում հարցումներ է իրականացրել: Հետազոտության համաձայն` մեկնել ցանկանում են բարձրագույն կրթությամբ եւ հարգված մասնագիտություններ ունեցող անձինք:
Հարցումների համաձայն` աշխարհում 19 մլն մարդ «ճամպրուկային տրամադրություն» ունեն եւ արդեն շուտով կմեկնեն այլ երկրներ, իսկ եւս 48 մլն-ը պատրաստվում է մեկնել առաջիկա տարում: Աշխարհում ընդհանուր առմամբ մոտ 630 մլն մարդ չի ցանկանում ապրել հայրենիքում, բայց դա իհարկե չի նշանակում, թե նրանք բոլորը կտեղափոխվեն մոտ ապագայում:
Ռուսաստանյան հետազոտություններում նշվում է, որ 7 մլն մարդ պատրաստ է գնալ ՌԴ, եւ նրանք գրեթե բոլորը այն երկրների բնակիչներ են, որոնց այդքան չեն սիրում ռուսները, նախեւառաջ` Միջին Ասիայի երկրներից: Ռուսաստանը ցանկանում են լքել դրա կրկնակի թվով մարդիկ` 15 միլիոն, գրում է «Ֆինմարքեթը»:
Միգրանտների մասին տվյալները ստացվել են 146 երկրներում 15 տարեկանից բարձր ավելի քան 400 000 մարդ հարցաքննելուց հետո:
