«Աքիլլես» ավտովարորդների իրավունքների պաշտպանության կենտրոն հասարակական կազմակերպությունն արձանագրել է մոտ 16 հազար 500 խախտում Երեւանում արագաչափերի եւ տեսասարքերի տեղադրումից հետո: Այդ թվում ինչպես արագության գերազանցման խախտումներ, այնպես էլ երթեւեկության, այլ կանոնների խախտումներ: Այս մասին այսօր` մարտի 3-ին հրավիրված մամուլի ասուլիսի ընթացքում ասաց «Աքիլլես» ավտովարորդների իրավունքների պաշտպանության կենտրոնի նախագահ Էդուարդ Հովհաննիսյանը:
Նրա խոսքով, այդ խախտումներից 13 հազար խախտումը ֆիքսված է որպես արագության գերազանցում, մնացածն այլ խախտումներ են: Նա նշեց, որ մարտի 1-ին եւ 2-ին արագաչափերը անջատված են եղել Արշակունյաց փողցի վրա եւ այդ օրերին բնականաբար չի ֆիքսվել արագության գերազանցումները: Սակայն այսօր գիշերը, ժամը 12-ից միացվել են արագաչափերը: Նա հավաստտացրեց, որ վարորդների կողմից իրենց կազմակերպությանը դիմում բողոքներ չեն ստացել: Ըստ ավտովարորդի իրավունքների պաշտպանի, բողոքներ կան եւ շարունակվում են, որ փոստը շփոթում է որոշումները եւ մի որոշում, որը, որ վարորդը չի կատարել, հասցեագրում են այլ քաղաքացիների: