Տաջիկստանի ինտերնետ պրովայդերները եւ բջջային ընկերությունները կարգադրություն են ստացել արգելափակելու մուտքը 4 կայքեր` Facebook.com, Zvezda.ru, Tjknews.com, Maxala.org:
Ինչպես տեղեկացնում է BBC-ին, եղել է բանավոր կարգադրություն` կառավարությանը կից կապի ծառայության ղեկավար Բեգա Զուխուրովի անունից:
Նշվում է, որ երկրի ինտերնետ մատուցող եւ բջջային ընկերությունները փաստացի կախված են կապի ծառայությունից, քանի որ պետական այդ մարմինն է տրամադրում բոլոր արտոնագրերը:
Հաղորդվում է, որ Zvezda.ru կայքի արգելափակման հնարավոր պատճառներից կարող է լինել Տաջիկստանի կառավարության նիստի մասին հրապարակումը, որի ժամանակ քննարկվել էր Իսլամական վերածնունդի կուսակցության գործունեությունը կասեցնելու հարցը: Ինչ վերաբերում է Facebook-ին, ապա այն Տաջիկստանի քաղաքացիների համար ազատ կարծիքի արտահայտման միակ հնարավորությունն էր: