Ձերբակալվել են Նուեւո Լեոպո նահանգի Ապոդաքա քաղաքի մեքսիկական բանտի ավելի քան 20 աշխատակիցներ` առավել վտանգավոր հանցագործների զանգվածային փախուստին աջակցելու կասկածանքով: Ձերբակալվածների շարքում են հաստատության նախկին ղեկավարը եւ նրա տեղակալը, անվտանգության ծառայության նախկին ղեկավարը, ինչպես նաեւ 18 հսկիչներ:
Ըստ քննիչների` փախուստին անմասն են եղել 34 աշխատակիցներից միայն 13-ը, հայտնում է «Կոմսոմոլսկայա պրավդան»:
Հիշեցնենք, որ փետրվարի կեսին բանտարկյալները հսկիչներին շեղելու համար զանգվածային կռիվ էին սարքել, որի ընթացքում սպանվել էր 44 մարդ: Գործածվել էին ինքնաշեն դանակներ, քարեր, փայտեր եւ մահակներ:
Միայն հետո, երբ արյունահեղությունը հաջողվել է դադարեցնել, պարզվել է, որ 29 վտանգավոր հանցագորներ օգտվել են խառնաշփոթից եւ «աղմուկի տակ» փախել: Փախստականների մեջ եղել են տեղական հանցախմբի երկու առաջնորդ` մեքսիկական «քրեական հեղինակություններ»:
