Ստամբուլի Քազլըչեշմե թաղամասում քրդերի կողմից իրականացվող Նովրուզի տոնակատարության ժամանակ ոստիկանների կողմից կիրառած արցունքաբեր գազի հետեւանքով մահացել է քրդական «Խաղաղություն եւ ժողովրդավարություն» կուսակցության Ստամբուլի Առնավութքյոյի շրջանի ղեկավար Հաջը Զենգինը։
«Խաղաղություն եւ ժողովրդավարություն» կուսակցության համանախագահ Գյուլթան Քըշանաքը Twitter-ի միջոցով հայտնել է, թե 4 երեխաների հայր Հաջը Զենգինը մահացել է ոստիկանների իրականացրած գործողությունների հետեւանքով։
Նշվում է, որ մահացած քուրդ գործիչն ունեցել է շնչառական ուղիների հետ կապված խնդիրներ։