Վենեսոււելայի նախագահ Ուգո Չավեսը գիտի, որ ընտրություններում իր մրցակից Էնրիկե Կապրիլեսին ցանկանում են սպանել, եւ հայտարարում է, որ ինքը դրա հետ կապ չունի:
Տեղի հեռուստաընկերությանը տված հարցազրույցում նա պատմել է, որ հետախուզության ղեկավարը հանդիպել է Միրանդա նահանգի նահանգապետ Էնրիկե Կապրիլեսի թիմի հետ, քանի որ տեղեկատվություն կար, որ նրա դեմ մահափորձ է պատրաստվում: «Այդ մտադրության թիկունքում կառավարությունը չի կանգնած: Այստեղ ամեն ինչ հակառակն է», - բացատրել է Չավեսը, հաղորդում է ԻՏԱՌ-ՏԱՍՍ-ը:
Էնրիկե Կապրիլեսը հոկտեմբերի 7-ին նախատեսված հերթական նախագահական ընտրություններում կլինի Վենեսուելայի գործող նախագահ Ուգո Չավեսի հակառակորդը: Ըստ հասարակական կարծիքի հարցումների, եթե ընտրությունները տեղի ունենային մարտի սկզբին, ապա Չավեսը կհավաքեր ձայների 52%-ը, իսկ Կապրիլեսը` 34%-ը: