Ճապոնիայի կայսր Ակիհիտոյին թոքերից հեղուկ հանելու երկրորդ վիրահատությունն են կատարել:
Հիշեցնենք, այս տարվա փետրվարին 78-ամյա միապետը վիրահատություն էր տարել, ինչից հետո թոքերից հեղուկ էին քաշել:
Բժիշկներն ակնկալում էին, որ մնացած հեղուկը ինքն իրեն կներծծվի երկու շաբաթվա ընթացքում, սակայն նրանց կանխատեսումը չի արդարացել, այնպես որ կայսերը եւս մեկ վիրահատություն են կատարել: Տոկիոյի կայսերական պալատում ընդգծում են, որ միապետի վիճակը մտահոգիչ չէ, նա հիվանդանոցում երկար չի մնա, հաղորդում է «Ռոսբալտը»:
Ակնկալվում է, որ մոտ օրերս Ակիհիտոն կվերադառնա իր պաշտոնական պարտականությունների կատարմանը: Արդեն վաղը կկայանա Քուվեյթի էմիր շեյխՍաբահ ալ Ահմեդ աս Սաբահի հետ հանդիպումը:
