Իրաքի մի քանի քաղաքներում, այսօր` մարտի 20-ի առավոտյան, պայթյուններ են տեղի ունեցել, որոնց զոհ է դարձել, ընդհանուր առմամբ, 22 մարդ, վնասվածք է ստացել մի քանի տասնյակ մարդ:
Իրաքի հյուսիսում համանուն նահանգի Քիրքուք քաղաքում ականապատ մեքենայի պայթյունի արդյունքում զոհվել է 7 մարդ եւ շուրջ 30-ը վնասվածք է ստացել:
Ըստ Reuters-ի` ամենաշատ կյանք է խլել շիաների համար սուրբ Քերբելա քաղաքում կատարված ահաբեկչությունը, որտեղ երկու պայթյունների հետեւանքով զոհվել են առնվազն 9 մարդ, եւս 40-ն ստացել են վնասվածքներ:
