Ստամբուլի Քադըքյոյի քաղաքացիական գործերով 2-րդ դատարանը Էրդողանի կողմից թուրքական Taraf թերթի գլխավոր խմբագիր Ահմեդ Ալթանի դեմ բացած դատական գործով որոշում է կայացրել։

Թուրքական Internethaber-ի փոխանցմամբ՝ դատարանն անմեղ է ճանաչել Taraf-ի գլխավոր խմբագրին՝ նշելով, թե նրա  գործողություններում հանցակազմ չկա։

Թուրքիայի վարչապետ Ռեջեփ Թայիփ Էրդողանը Ահմեդ Ալթանի դեմ դատական հայց էր ներկայացրել 2011-ի հունվարի 15-ի եւ 18-ի հրապարակումների առթիվ՝ պնդելով, թե Ալթանն իրեն լրատվության միջոցով վիրավորել է իրեն։