Մոսկվայի Պուշկինի անվան հրապարակում տեղի է ունեցել ընդդիմության «Հանուն արդար ընտրությունների» հերթական ակցիան. բաց մամուլի ասուլիս` նվիրված քարոզչության մասնակիցների առաջիկա ծրագրերին: Այն վարել են «Ձախ ճակատի» համակարգող Սերգեյ Ուդալցովը եւ ՊԱՌՆԱՍ-ի համանախագահ Բորիս Նեմցովը:
Ինչպես հայտնի է դարձել, ընդդիմությունը նախատեսում է մի շարք ակցիաներ անցկացնել ապրիլին: «Ապրիլի 15-22-ը մենք սպիտակ ակցիաների մեկ շաբաթ կանցկացնենք, դրանք կլինեն «կլոր սեղաններ», բանավեճեր, համերգներ եւ ֆլեշ-մոբեր», - ասել է Նեմցովը Նովոպուշկինյան պուրակում: Իսկ մայիսի մեկին ծրագրում են ազատության փառատոն, ամենայն հավանականությամբ` Բոլոտնայա հրապարակում, հաղորդում է «Ինտերֆաքսը»:
Ուդալցովը հույս ունի նախագահի երդման արարողության նախօրեին անցկացվելիք «Ժողովրդական երթին» որքան հնարավոր է շատ մարդիկ հավաքել Ռուսաստանի տարբեր շրջաններից: Ընդդիմադիրը նշել է, որ հույս ունի Ռուսաստանի տարբեր շրջաններից եկող մարդկանց խանդավառության վրա, որոնք կարող են գալ եւ աջակցել այդ ակցիային: Նա ավելացրել է, որ ապրիլին կազմակերպչական հանձնաժողովը մտադիր է լայնածավալ քարոզչություն սկսել մայիսի 6-ի ակցիային մարդկանց ներգրավելու համար:
«Այդ ակցիան պետք է լավ կլինի, եթե լինի արտոնված, սակայն ոչ թե հետնաբակերում, այլ Մոսկվայի կենտրոնական հրապարակներից մեկում: Մայիսի 6-ին մենք պետք է իշխանությունների դեմ լուրջ կռիվ տանք», - ասել է Ուդալցովը:
