Մի քանի օրվա հադարտությունից հետո ամերիկյան դոլարի փոխարժեքն այսօր` մարտի 26-ին «ՆԱՍԴԱՔՕԷՄԷՔՍ Արմենիա» բորսայում կրկին բարձրացավ: Գործարքների արդյունքում դոլարի միջին փախարժեքը հայկական դրամի նկատմամբ կազմել է 389.15 դրամ` 0.30 %-ով կամ միանգամից 1.15 կետով:
Ընդ որում` առեւտրային նստաշրջանի վերջում դոլարի նկատմամբ պահանջարկ է ձեւավորվել նաեւ ավելի բարձր` 389.26 դրամ փոխարժեքով, սակայն առաջարկ չի եղել: Ամենայն հավանականությամբ` շուկայում խոշոր գնորդ է ի հայտ եկել:
Ընդհանուր առմամբ բորսայում այսօր վաճառվել է 3.65 մլն դոլար:
Կանխիկ արտարժույթի շուկայում դոլարի միջին փոխարժեքը բարձրացել է 1-1.5 դրամով: Դոլարի առքն իրականացվում է 388-388.5 դրամով, վաճառքը սկսում է 390 դրամից:
