Թերթը զրուցել է ԲՀԿ-ական Վարդան Բոստանջյանի հետ, ով թեեւ որեւէ կերպ չէր ցանկանում գանահատական տալ ԲՀԿ-ի` իրենց համամասնական ցուցակում չընդգրկելու որոշմանը, երկարատեւ «պարուզայից» հետո ասաց.
Ճիշտն ասած, ես ոչ էլ հակված եմ պատճառներ փնտրելուն:
Այսինքն նորմա՞լ էր, որ ԲՀԿ-ն Ձեզ չընդգրկեց իր համամասնական ցուցակում:
Դե, ի՞նչ կարող եմ անել, եթե նորմալ չընդունեմ:
Դե մի տեսակ տարօրինակ էր Ձեզ չտեսնել ցուցակում, չէ՞ որ Դուք բացառիկ ակտիվ ԲՀԿ-ականներից մեկն էիք:
Դե, հիմա ամեն ինչ էլ պատահում է, երեւի ժամանակի պահանջն էր այդպիսին:
Ստացվում է, Ձեր տեսակը պետք չէ՞ր ԲՀԿ-ին:
Դե, կարելի է այդպես էլ մտածել:
Պրն Բոստանջյան, իսկ Դուք մինչ օրս ի՞նչ հարաբերություններ եք ունեցել ԲՀԿ առաջնորդ Գագիկ Ծառուկյանի հետ:
Իմ հարաբերությունները Գագիկ Ծառուկյանի հետ շատ նորմալ են եղել կամ էլ դա ինձ է թվացել: