Ֆիննական դպրոցներից մեկում երիտասարդը կրակ է բացել: Ըստ տեղական ոստիկանության տվյալների` 20-ամյա երիտասարդը մի քանի անգամ կրակել է ուսումնական հաստատության երրորդ հարկի դասարաններից մեկի դռանը:
Այդ պահին լսարանում են գտնվել ուսուցիչը եւ 14 աշակերտներ: Պատահարի արդյունքում ոչ ոք չի տուժել:
Ներկայումս հանցագործը ձերբակալված է, նա դիմադրություն ցույց չի տվել, հայտնում է Life News-ը: Հաստատված է, որ նա այդ դպրոցի սան չի եղել:
Տեղի ունեցածից հետո դպրոցում տարհանում է կազմակերպվել, երեխաներին հոգեբանական օգնություն են ցուցաբերել մասնագետները եւ եկեղեցու սպասավորները:
Մինչդեռ ոստիկանները կարծում են, որ այսօր քաղաքի մեկ այլ թաղամասում հենց այդ նույն մարդն է վիրավորել տեղի բնակիչներից մեկին: