Մալիի ռազմավարական քաղաքներից մեկը` Քիդալը, մարտի 30-ին գրավվել է ապստամբ տուարեգների եւ նրանց համախոհ իսլամիստների կողմից:
Դեպքերի ականատեսը պատմել է, որ զինված իսլամական «Անսար Դին» խմբավորման առաջնորդի մարդիկ մտել են քաղաք եւ ասել. «Դուրս եկեք փողոցներ, մի վախեցեք», հայտնում է «Մոսկովսկի կոմսոմոլեցը»:
Մինչդեռ, Արեւմտյան Աֆրիկայի երկրների առաջնորդները Մալիում իշխանությունը զավթած զինվորականներին սպառնացել են պատժամիջոցներով, եթե մինչեւ ապրիլի 2-ը երկրում սահմանադրական կարգուկանոնը չվերականգնվի:
«Հանուն Ազավադի ազատագրման ազգային շարժում» կազմակերպության անդամ տուարեգներն սկսել են Սահարա անապատի Ազավադ տարածաշրջանի ազատագրման համար պայքարը, որը ներառում է Մալիի հյուսիս-արեւելքը եւ արեւելքը, Բուկինա Ֆասոյի հյուսիսը, Նիգերիայի արեւմուտքը եւ հյուսիս-արեւմուտքը, ինչպես նաեւ Ալժիրի հարավ-արեւելքը եւ Լիբիայի հարավ-արեւմուտքը:
Ըստ լրատվամիջոցների` նախկինում տուարեգների շարժմանն աջակցում էր լիբիական Ջամահիրիայի նախկին առաջնորդ Մուամար Քադաֆին, իսկ նրա մահվանից հետո սեպարատիստների բռնության ալիքը հովանավորում էին Քադաֆիի նախկին համախոհները:
