Մոսկվայում երեք շներ փախցրել են իրենց տիրոջ ավտոմեքենան, ավտովթար սարքել եւ դեպքի վայրից դիմել փախուստի` ոստիկանների աչքի առաջ:
Արտասահմանյան մեքենայի կին սեփականատերը, դուրս գալով խանութից, տեսել է, որ իր մեքենան շարժվում է, իսկ ներսում եղել են միայն իր երեք շները:
Աղջիկը որոշ ժամանակ որոնել է վթարի մեղավորներին, նույնիսկ բեռնախցիկում է նայել, իսկ այնուհետեւ, լուսանկարելով շների մասնակցությամբ վթարը, կանչել է ճանապարհային ոստիկանություն:
Ինչպես հայտնի է դարձել ավելի ուշ, տերը հեռու է գնացել գործով` կենդանիներին թողնելով շարժիչը միացրած մեքենայում: Առանց հսկողության մնացած շները տեղափոխվել են վարորդի նստատեղ եւ ինչ-որ կերպ մեքենան շարժման մեջ են դրել: Պոչավոր ավտոսիրողներին չի հաջողվել հեռու գնալ. հարվածել են ոչ հեռու կանգնած թանկարժեք արտասահմանյան մակնիշի ավտոմեքենային:
Ավարտելով փաստաթղթերի ձեւակերպման գործողությունները` իրավապահ մարմինների աշխատակիցները եւ աղջիկը տեսել են, որ մեղավորներով մեքենան փախել է ճանապարհային պատահարի վայրից: Շները կրկին գնացել են... մեքենան գտել են ճանապարհին` մի քանի տասնյակ մետր հեռավորության վրա, հայտնում է rbc daily-ն` հղում անելով «Ալֆա ապահովագրում» ընկերության մամլո հաղորդագրությանը: Շնային վթարը համարվել է ապահովագրական դեպք:
