ԵԽԽՎ նախագահ Մեւլութ Չավուշօղլուն, ըստ թերթի տեղեկությունների, Ամանորի առթիվ շնորհավորական բացիկներ է ուղարկել Վեհաժողովի բոլոր պատգմավորներին, այդ թվում՝ հայաստանյան պատվիրակության անդամներին։ Դա, իհարկե, տարօրինակ չէ։ Շնորհավորանքի տեքստը գրված է Վեհաժողովի պաշտոնական վեց լեզուներով։ Դա էլ է նորմալ։
Ռուսերենից թարգմանված բացիկում բառացիոերն գրված է. «Եկեք եւ կլինենք բարեկամներ եւ կթեթեւացնենք մեկս մյուսի կյանքը։ Կսիրենք եւ սիրված կլինենք։ Եւ ոչ ոք հողը ժառանգություն չի ստանա»։
Չավուշօղլուն չի մոռացել նշել, որ այս տողերի հեղինակը թուրք բանաստեղծ Ուռուզ Էմերն է։ «Թե ինչ կապ ունի այս տեքստը Նոր տարվա հետ, մենակ Չավուշօղլուն կիմանա։ Բայց ենթադրում ենք, որ նրան հոգեհարազատ է եղել հատկապես վերջին տողը՝ հողը չժառանգելու մասով»,-նկատում է թերթը։
