Ըստ Ֆանարջյանի անվան ուռուցքաբանության ազգային կենտրոնի տնօրեն Հրայր Գալստյանի` չարորակ ուռուցքով հիվանդացությունների թիվը Հայաստանում շարունակում է աճել, իսկ դրան զուգահեռ աճում է նաեւ այդ հիվանդությունից մահացությունների թիվը: Այդ մասին գրում է «Հայկական ժամանակ» թերթը:
«Հայաստանում 1997թ. արձանագրվել է չարորակ ուռուցքով 4709 հիվանդ, իսկ 2011-ին այդ թիվը գրեթե կրկնապատկվել է` հասնելով 7750: Գալստյանի խոսքով, այդ թիվը ոչ թե պայմանավորված է դիմելիության ավելացմամբ, այլ 100 հազար բնակչի շրջանում հիվանդության շատացման դեպքերով: Նրա տվյալներով, եթե նախկինում 100 հազար բնակչի հաշվով հիվանդների թիվը 129 էր, ապա այսօր հասել է 239-ի»,- գրում է «Հայկական ժամանակը»:
