նախընտրելի դարձնելՈստիկանությունը հաղորդում է, որ գողություն կատարելու կասկածանքով բերման է ենթարկվել Չարենցավանի բնակիչ Կարեն Հարությունյանը, որը ծխախոտ գնելու պատրվակով մտել է տարբեր խանութներ ու կոնյակ գողացել:
Կարեն Հարությունյանը մի քանի ժամում կարողացել է 200 հազար դրամի կոնյակ գողանալ: Նրան հայտնաբերել են խանութներից մեկում տեղադրված տեսախցիկի ձայնագրության օգնությամբ։
Կարեն Հարությունյանը ոստիկաններին է ներկայացրել գողոնը և խոստովանել է նախկին գողությունները ՀՀ տարբեր մարզերում։
Հարուցվել է քրեական գործ քրեական օրենսգրքի 177-րդ հոդվածի 1-ին մասի հատկանիշներով: Առանց իրացնելու նպատակի ապօրինաբար թմրամիջոց շրջանառելու համար նախկինում դատապարտված Կարեն Հարությունյանը ստորագրությամբ բաց է թողնվել:
Մանրամասները` Ոստիկանության տեսանյութում:
