նախընտրելի դարձնելՄենք չենք հաստատել «Հայաստանի էլեկտրական ցանցեր» ընկերության ներդրումային ծրագրերը, բայց մերժել ենք տարեկան առաջարկները՝ տեխնիկական խնդիրների պատճառով։ Այս մասին հոկտեմբերի 28-ին լրագրողների հետ զրույցում հայտարարել է Հայաստանի հանրային ծառայությունները կարգավորող հանձնաժողովի նախագահ Մեսրոպ Մեսրոպյանը։
Նա հայտնեց, որ հանձնաժողովը մինչև նոյեմբերի 18-ը որոշում կկայացնի «Հայաստանի էլեկտրական ցանցեր» ընկերության դեմ իրականացվող վարչական վարույթի շրջանակներում։
«Մինչ այդ պահը ես իրավունք չունեմ դիրքորոշում հայտնել և գնահատականներ տալ։ Ընկերության ժամանակավոր կառավարիչ Ռոմանոս Պետրոսյանը ի պաշտոնե իրավունք ունի կարծիք հայտնել այդ մասին, իսկ ես՝ ոչ», - նշել է Մեսրոպյանը։
Նրա խոսքով, ցանկացած վարույթ ունի 3-4 ելք. դիտողություն, տուգանք, լիցենզիայից զրկում կամ լիցենզիայի կասեցում։
Նա ասել է, որ իր քաղաքական հայացքները չեն կաշկանդում իրեն անաչառ որոշումներ կայացնելու հարցում։
Ի պատասխան այն հարցին, թե արդյոք նա չի վախենում իշխանության փոփոխությունից հետո «Հայաստանի էլեկտրական ցանցեր» ընկերության շուրջ տեղի ունեցող գործընթացների համար հնարավոր քրեական պատասխանատվությունից, նա հավաստիացրել է, որ անհանգստանալու առիթ չունի։
