նախընտրելի դարձնելDefence Digest-ը հաղորդում է, որ մարտի 6-ի գիշերը ԱՄՆ բանակի AH-64 Apache հարձակողական ուղղաթիռը վիրաբուժական հարված է հասցրել Իրաքում Իրանի կողմից աջակցվող աշխարհազորայինների դեմ։
«Մարտի 6-ի գիշերը ԱՄՆ բանակի AH-64 Apache հարձակողական ուղղաթիռը ցածր բարձրությունից վիրաբուժական հարված է հասցրել Իրաքի Մոսուլի մոտակայքում գտնվող Իրանի կողմից աջակցվող աշխարհազորայինների դիրքերին։ Նպատակակետերի թվում էր Քաթաիբ Սայիդ ալ-Շուհադան։ Դիտեք, թե ինչպես է Apache-ն արձակում 70 մմ Hydra հրթիռներ՝ լուսավորելով Իրաքի գիշերային երկինքը», - հաղորդում է լրատվամիջոցը։
Հիշեցնենք, որ ԱՄՆ-ն և Իսրայելը փետրվարի 28-ից ի վեր հարձակվում են Իրանի տարածքի վրա՝ պատճառելով ավերածություններ և մարդկային կորուստներ։ Ի պատասխան՝ Իրանը հրթիռային հարվածներ է հասցրել Իսրայելին և տարածաշրջանում գտնվող ԱՄՆ ռազմական բազաներին։ Իսրայելա-ամերիկյան հարձակման ժամանակ զոհվել են նաև Իրանի գերագույն առաջնորդ այաթոլլա Ալի Սեյեդ Խամենեին և այլ բարձրաստիճան պաշտոնյաներ։
Մարտի 2-ին Իսրայելի դեմ պատերազմի մեջ է մտել նաև «Հեզբոլլահը»։ Իսրայելը հայտարարեց շարժման դեմ հարձակման մեկնարկի մասին։
