Րոպեներ առաջ ավտովթար է տեղի ունեցել Վանաձոր քաղաքում: Ինչպես  դեպքի վայրից հայտնում է NEWS.am-ի Լոռիի թղթակիցը, Վանաձոր քաղաքի Բաղրամյան պողոտայում, Վանաձորի ոստիկանապետ Աշոտ Հայրապետյանի վարած «Նիսսան» մակնիշի 070 ՈՍ 10  համարանիշի եւ ՊՆ-ի «ՈՒՐԱԼ» մակնիշի 2714 պետհամարանիշի ավտոմեքենաները բախվել են իրար:

Ոստիկանապետի մեքենան այդ պահին վարել է անձամբ ինքը` Աշոտ Հայրապետյանը:

Բարեբախտաբար, վթարի արդյունքում զոհեր եւ վիրավորներ չկան:

Դեպքի վայր են ժամանել Լոռիի ճանապարհային ոստիկանները` Մարտին Բալայանի գլխավորությամբ:

Դեպքի վայրում են նաեւ ինչպես ռազմական ոստիկանության, այնպես էլ ոստիկանության Վանաձորի բաժնի աշխատակիցները:

Այստեղ հավաքվել են մեծ թվով քաղաքացիներ:

Լուսանկարները եւ տեսանյութը` Էդվարդ Արզումանյանի