նախընտրելի դարձնելՌուսաստանի արտգործնախարար Սերգեյ Լավրովը հաճախ ռուսերեն չիմացող հյուրերի ներկայությամբ «հրապարակման ոչ ենթակա» արտահայտություններ է գործածել: Այդ մասին նա խոստովանել է «Վեչերնիյ Ուրգանտ» հաղորդման ընթացքում:
«Բազմիցս», - պատասխանել է արտգործնախարարը հաղորդավար Իվան Ուրգանտի այն հարցին, թե արդյոք ռուսերեն չիմացող արտասահմանցի հյուրերի ներկայությամբ երբեւէ գործածել է «հրապարակման ոչ ենթակա» արտահայտություններ:
Լավրովն ինքը 3 լեզվի է տիրապետում` անգլերեն, ֆրանսերեն եւ սինհալերեն, որով խոսում է Շրի Լանկայի բնակչության մեծամասնությունը: Այդ հազվագյուտ լեզուն նա սովորել է բուհում, հայտնում է «ՌԻԱ Նովոստին»:
Ռուսաստանի արտգործնախարարը նաեւ պատմել է, որ իր կարիերայի ընթացքում այցելել է 136 երկիր եւ 195 բնակավայր, դրանցից շատերը` ոչ մեկ անգամ: Նա նաեւ նշել է, որ կան երկրներ, որտեղ չի եղել, եւ հայտնել է, որ Կամբոջա այցելելու իր երազանքը շուտով կիրագործվի:
