ՆախընտրելիԹուրքիայում իշխող Արդարության եւ զարգացման կուսակցությունն իր դրոշի տակ է համախմբել մեկ միլիոնից ավելի մարդու: Դա կատարվել է այն ժամանակ, երբ Էրդողանը վերջնականապես ցրել է Ստամբուլի կենտրոնի ցուցարարներին. հունիսի 16-ի գիշերը տեղի իրավապահ ուժերը մաքրել էին Թաքսիմ հրապարակը եւ «Գեզի» այգին:
Ստամբուլում ոստիկանները նամազից հետո սկսել են ջարդել Գեզի այգու ակտիվիստներին. Կան զոհեր
Թուրք առաջնորդն իր կողմնակիցներին է դիմել բոցաշունչ ճառով` կոչ անելով չենթարկվել վանդալների եւ խուլիգանների սադրանքներին, ինչպես նաեւ խոստացել է պատժել անկարգությունների հրահրմանը մասնակցած ցանկացած մարդու` ակնարկելով երկրի ճգնաժամի վիճակից շահող խորհրդավոր «տոկոսային լոբբին»: Էրդողանը նաեւ ավանդաբար մեղադրել է արտասահմանյան`CNN, BBC եւ Reuters լրատվամիջոցներին` Թուրքիայում կատարվող իրադարձությունները ոչ օբյեկտիվ լուսաբանելու համար: Վարչապետը մեղադրել է նաեւ եվրախորհրդարանականներին: Էրդողանը ԵՄ-ին խորհուրդ է տվել իմանալ իր տեղը: Ամբոխը հիացմունքով է արձագանքել իր առաջնորդի խոսքերին, գրում է «Ռոսիյսկայա գազետան»:
Մինչդեռ հունիսի 17-ին մեկօրյա գործադուլ անցկացնելու մասին հայտարարած Թուրքիայի հինգ արհմիություններ մտադիր են երկրի փողոցներ դուրս բերել հազարավոր ցուցարարների` պետաշխատողներ, բժիշկներ, ինժեներներ: Հավանաբար, նրանց կմիանան նաեւ բուհերի ուսանողները եւ դասախոսները, նաեւ բարձրդասարանցիները:
