նախընտրելի դարձնելՄելբուռնի օդանավակայանի սպասասրահներից մեկի աշխատանքը դադարեցվել է կենգուրուի պատճառով:
Օդանավակայանի տարածքում հայտնված կենդանին պատրաստվում էր ցատկել երկրորդ հարկ, բայց նրան հարվածել է անցնող մեքենան: Կենգուրուն, այնուամենայնիվ շարունակել է ճանապարհը եւ սկսել է ցատկոտել սպասասրահում՝ մտնելով այնտեղ տեղակայված դեղատուն, հայտնում է NEWSru.com-ը՝ վկայակոչելով Reuters-ը:
Ականատեսները փրկարարներ են կանչել, ոստիկանությունն այդ ընթացքում փակել է դեղատան մուտքը:
Կենդանուն հանգստացնելու եւ սպասասրահից հանելու համար անասնաբույժները ներարկում են կատարել:
Կենգուրուին անվանել են Սայրուս՝ փրկարարներից մեկի պատվին:
Զավեշտալի միջադեպի ականատես է դարձել կատակերգակ դերասանուհի Ջուլիա Մորիսը: «Ես Մելբուռնի օդանավակայանում եմ, եւ հենց նոր կենգուրուն մտավ դեղատուն», - Twitter-ում գրել է Մորիսը:
