նախընտրելի դարձնելGoogle ընկերությունը գնել է քայլող ռոբոտներ արտադրող առաջատար ընկերություններից մեկը՝ Boston Dynamics-ը, հայտնում է lenta.ru-ն՝ վկայակոչելով The New York Times-ը։ Գործարքի պայմանները չեն հաղորդվում։
Boston Dynamics-ը համաշխարհային ճանաչում էր ստացել իր արտադրանքներից մեկի՝ զինվորների բեռնակիր LS3 ռոբոտ-ջորու շնորհիվ։ Զինվորական այս ռոբոտը մշակվել էր 2006 թվականից։ LS3-ը կարող է մինչեւ 180 կգ բեռ փոխադրել՝ մինչեւ 32 կմ հեռավորությամբ։
Ընկերությունների ստեղծած սարքերի շարքում են Cheetah հովազը, որը կարող է վազել 45 կմ/ժ արագությամբ, խավարասեր ռոբոտ RHex-ը, WildCat –ը եւ այլն:
Բացի կենդանակերպ ռոբոտների մի ամբողջ շարքից` Boston Dynamics-ն ստեղծել է նաեւ մարդանման երկու սարք` Atlas (The Agile Anthropomorphic Robot) եւ PETMAN (Protection Ensemble Test Mannequin):
Ըստ պաշտոնական վարկածի` PETMAN-ը ստեղծվել է հատուկ պաշտպանական համազգեստները փորձարկելու համար: «Հումանոիդը», ֆիզիկական ծանրաբեռնվածությունից կախված, կարող է նմանակել շնչառությունը, քրտնարտադրությունը եւ «մարմնի» ջերմաստիճանի փոփոխությունները:
