նախընտրելի դարձնելԲելգիական դպրոցը որոշել է անօդաչու թռչող սարք կիրառել քննություններին հուշելու եւ արտագրելու դեմ պայքարի համար:
Մեխելեն քաղաքի Թոմաս Մորի անվան դպրոցի ղեկավարությունը, ամենայն հավանականությամբ, հետեւում է զինվորականներին՝ օգտագործելով հետախուզության բնագավառում նրանց ձեռքբերումները:
Դպրոցը YouTube-ում տեսագրություն է տեղադրել, որտեղ ցույց են տրվում սարքի գործողությունները: Տեսահոլովակում ներկայացված է GoPro տեսախցիկով համալրված DJI Phantom փոքրիկ օդանավ՝ աշակերտների գլխավերեւում:
Նշվում է, որ սարքն օգտագործելու համար երկու դիտորդ են անհրաժեշտ. մեկը կառավարում է անօդաչու թռչող սարքը, մյուսը՝ էկրանին հետեւում սովորողներին, հայտնում է Mignews-ը:
