Հունվարի 30-ի երեկոյան Վանաձոր-Դիլիջան ավտոմայրուղում 1-ին կիլոմետրին 35PL367  պետհամարանիշի  «Մերսեդես բենց» մակնիշի YMCA տաքսի ծառայության ավտոմեքենան, կորցնելով կառավարումը,  դուրս է եկել ավտոճանապարհից եվ մոտ 5 մետր բարձրությունից ընկել ձորակը:

Վարորդը՝ Արարատ Ադամյանը, ընթացքից կարողացել  է դուրս թռչել ավտոմեքենայից եւ, բարեբախտաբար, ողջ է մնացել: Նա վնասվածքներով տեղափոխվել է հիվանդանոց:

Նախնական  տվյալով՝ վթարի պատճառը հանդիպակաց մեքենայի լուսարձակներն են եղել: Կատարվում է նախաքննություն: