Չիլիական ընտանիքն անակնկալի է եկել, երբ առավոտյան տան խոհանոցում ինքնակոչ հյուր է հայտնաբերել:

Սանտյագոյի բնակչուհի Ամալին Խադադն առավոտյան մտել է խոհանոց, որպեսզի նախաճաշ պատրաստի և շոկի մեջ է ընկել ՝ տեսնելով, որ խոհանոցում կատվառյուծ (պումա) կա:

«Ես մտածեցի, որ դա շուն է, քանի որ սկզբում տեսել եմ թաթերը, բայց պարզվեց, որ կատվառյուծ է»,- ասել է Ամալին Խադադը:

Կինը կատվառյուծին փակել է խոհանոցում և ոստիկանություն կանչել:

Ինչպես հաղորդում է NTD Russian-ը, իրավապահների կարծիքով, ամենայն հավանականությամբ, կատվառյուծին բռնել են մարդիկ և հետո բաց թողել, կամ էլ կատվառյուծն ինքն է փախել, քանի որ կուգուարը վայրի տեսք չունի։

2-ամյա կատվառյուծը չի հարձակվել ոչ տանտերերի վրա և ոչ էլ նրանց շան վրա, բայց տակնուվրա է արել ամբողջ խոհանոցը:

Գիշատիչին մասնագետները քնեցրել և տնից դուրս են հանել: Նրան տեղափոխել են Չիլիի ազգային կենդանաբանական այգի։