նախընտրելի դարձնելԱյսօր՝ փետրվարի 12-ին, թռուցիկներ բաժանելու ժամանակ բերման ենթարկված ՀԱԿ-ի ակտիվիստներն ազատ արձակվեցին Ոստիկանության Կենտրոնականի բաժնից, հաղորդում է NEWS.am-ի թղթակիցը: Նրանք շենքից դուրս են եկել Լեւոն Զուրաբյանի հետ միասին:
Ոստիկանության շենքի մոտ հավաքվածները՝ մոտ 50 մարդ, ակտիվիստներին դիմավորեցին ծափահարություններով եւ «Պայքար, պայքար մինչեւ վերջ» վանկարկումներով:
Այստեղ են հավաքվել քաղաքացիներ, բերման ենթարկվածների ընկերները, մտերիմները, ՀԱԿ-ի անդամներ:
Բերման ենթարկվածներից լրագրող Անի Գեւորգյանը նշել է, որ ոստիկանության ներսում խլել են իր հեռախոսը եւ ոստիկաններից մեկն ապտակել է իրեն:
Բերման ենթարկվածների խոսքով, դեպքի առթիվ հարուցվել է քրեական գործ ՀՀ ՔՕ 258 հոդվածի (խուլիգանություն) հատկանիշներով :
