Եվրամայդանի ակտիվիստներին հաջողվել է զրահամեքենա այրել: Цензор.НЕТ-ը տեղեկացնում է, որ զրահամեքենան այրելու վիդեոն YouTube-ում տեղադրվել է աջերի կողմից:

Տեսանյութում երեւում է, որ մեծ արագությամբ Եվրամայդանի բարիկադների վրա ընթացող զրահամեքենան բարիկադներից ընդամենը մի քանի մետր հեռավորության վրա բոցավառվում ու կանգ է առնում:

NEWS.am-ն ավելի վաղ տեղեկացրել էր, որ Ուկրաինական «Բերկուտ» հատուկ ստորաբաժանումը զրահատեխնիկայի օգնությամբ գրոհ է սկսել «Եվրոմայդանի» դեմ:Բարիկադների պաշտպանները զրահամեքենաների եւ «Բերկուտի» մարտիկների ուղղությամբ քարեր եւ «մոլոտովի կոկտեյլներ» են նետում:
ՈՒՆԻԱՆ-ը հաղորդում է, որ ոստիկանությունը լուսաձայնային նռնակներ է օգտագործում: Ակտիվիստների խոսքով՝ «Բերկուտը» զինված է Կալաշնիկով ինքնաձիգներով: