Օրերս կենտրոնական բաժնի քրեական հետախույզները Չարբախի Հովհաննիսյան փողոցից բաժին բերման ենթարկեցին Երեւանի բնակիչ 25-ամյա Արթուր Իզմայիլյանին թմրամիջոց պահելու եւ օգտագործելու կասկածանքով։ Խուզարկությամբ նրա մոտ հայտնաբերվեց զգալի չափի մանրացված, չորացված դեղնաականաչավուն զանգված, որը փորձաքննությամբ պարզվեց մարիխուանա է։ Ոստիկանների ձեռնարկած գործողություննրի արդյոունքում պարզվեց, որ Իզմայիլյանը թմրանյութն ձեռք է բերել 24-ամյա Սամվել Պապյանից, ով թմրանյութը ձեռք էր բերել Շիրակի փողոցում ապրող Դիանա Զաքարյանից։ Խուզարկության արդյունքում, Զաքարյանի բնակարանից հայտնաբերվեց դեղնականաչավուն զանգվածով 31 փաթեթ՝ 130 գրամից ավելի քաշով, նաեւ 10 փաթեթ կանեփի սերմնահատիկներով եւ 3 մլն 690 հազար դրամ։ Զաքարյանը կալանավորվել է, իսկ Պապյանը ստորագրությամբ բաց է թողնվել։ Ոստիկանությանն հաջողվեց պարզել, որ Զաքարյանին թմրամիջոց էր վաճառել Արմավիրի մարզի Արաքս գյուղի բնակիչ Աշոտ Անտոնյանը։ Աշոտ Անտոնյանի տան խուզարկությամբ հայտնաբերվեց դեղնականաչավուն զանգվածով 5 փաթեթ, կանեփի սերմերով 2 փաթեթ, սպիտակավուն հեղուկով ներարկիչ, նաեւ 24 պլաստմասե տարա կանեփի սերմերով։ 65-ամյա Աշոտ Անտոնյանին մեղադրանք է առաջադրվել, նա կալանավորվել է։ Դեպքի հանգամանքները քննվում են։