նախընտրելի դարձնելCNN հեռուստաալիքի թիկնազորը հեռացրել է ԱՄՆ նախագահի խորհրդական Սթիվեն Միլերին այն բանից հետո, երբ առաջատար հեռուստաալիքը դարարեցրել է հարցազրույցը նրա հետ, հաղորդում է Business Insider-ն։
Իրավիճակը դուրս է եկել վերահսկողությունից, երբ Թեփերը փորձել է քննարկել Թրամփի հոգեկան վիճակը եւ նրա մասնագիտական կարողությունները։ Նա մեջբերել է ամերիկյան նախագահի վերջին թվիթներից մեկը, որտեղ նա իրեն անվանել է շատ կայուն հանճար։
«Ի՞նչ եք մտածում՝ այսպիսի թվիթը չի հակասում պնդմանը, որ Թրամփը կայուն է եւ համապատասխանում է այդ աշխատանքին թե՞ հաստատում է դրան»,-հարցրել է հաղորդավարը Միլերին, հաղորդում է «ՌԻԱ Նովոստի»-ն։
Թրամփի խորհրդականը պատասխանել է՝ «հաստատում են», որից հետո սկսել է քննադատել CNN-ին՝ ասելով, որ ալիքը ստեղծել է «թունավոր մթնոլորտ» եւ հրապարակում է ամերիկյան նախագահի դեմ կեղծիքներ:
Նրա խոսքով՝ Թրամփի թվիթները հաստատում են այն, ինչ այդպես էլ պարզ է՝ «միլիարդատեր, որին ինքն իրենով է հասել եւ հեղափոխություն արել ռեալիթի հեռուստատեսության ոլորտում, ստացել է հասանելիություն այն ամենին, ինչ կատարվում է երկրի սրտում»
Թեփերը փորձել է մեկ այլ հարց տալ, սակայն Միլերը թույլ չի տվել նրան դա անել: Նա հայտարարել է, որ CNN հեռուստաընկերությունն ամբողջ օրը հերարձակում է հակաթրամփյան սյուժեներ, սակայն նույնիսկ երեք րոպե չի հատկացրել ամերիկյան նախագահի իրական քայլերի մասին տեղեկություններին։
Զրույցի ժամանակ հաղորդավար Ջեյք Թեփերը Միլերին սկսել է հարցեր ուղղել Սպիտակ տան մասին Մայքլ Վուլֆի սկանդալային գրքի մասին։ Սակայն խորհրդականը չի պատասխանել դրաանց ուղղակիորեն՝ սկսելով քննադատել հեռուսաատալիքը։
Սրանից հետո Թեփերը ընդհատել է հարցազրույցը, բայց Միլերը չի ցանկացել կամավոր լքել ստուդիան։ Այն ժամանակ թիկնազորն է նրան հեռացրել։ Հեռուստաալիքը հրաժարվել է մեկնաբանել միջադեպը։
