նախընտրելի դարձնել«Լույս» խմբակցության ղեկավար Դավիթ Խաժակյանը խոսելով «Սանիթեքի» մասին, չի նշում, որ երբ ինքը այստեղ ավագանու անդամ էր, այդ պայմանագիրը ընդհանրապես չէր վարվումմ, պարզվում է, որ այդ պայմանագրի կետերը, որոնց վրա պետք է պրոցես սկսես, գոյություն չունեն: Այս մասին, այսօր՝ դեկտեմբերի 25-ին, Երեւանի ավագանու նիստում հայտարարեց Երեւանի քաղաքապետ։ Հայկ Մարությանը:
Սրան Խաժակյանը պատասխանեց. «Սանիթեք»-ին ո՞ւմ դիմումների վրա տուգանեցին, ձե՞ր, պարոն քաղաքապետ: Ո՞ւմ աշխատանքով են տուգանվել «Սանիթեքին»:
Հանկարծ տեղից պոռթկաց «Իմ քայլը» դաշինքի անդամ Իզաբելա Աբգարյանը՝ նշելով. «Դավիթ ջան դե հերիք ա, շոուն եւ լրագրողների դեմ հայտարարությունը աշխատանքի հետ մի խառնեք: Իսկականից հերիք ա»:
Խաժակյանն էլ արձագանքեց. «Մարդ վատացա՞վ»:
«Մարդը ձեր մոտ ա վատացել, որ շատ բան չենք ուզում ասել: Եթե ես իմ անվճար արածներս սկսեմ թվարկել, շատ վատ բան կստացվի»,-ասաց Աբգարյանը:
Հետո բոլորը սկսեցին տեղից բղավել եւ ԲՀԿ խմբակցության ղեկավար Արման Աբովյանը 15 րոպեով ընդմիջում խնդրեց, նիստն ընդհատվեց:
