նախընտրելի դարձնելԵս Վենետիկի հանձնաժողովի ներկայացուցիչներին ասացի՝ ձեր եվրոպական շատ երկրներում, երբ փողոցում կինն ու տղամարդը շրջում են, այդ կնոջը նեղացնեն, այդ տղամարդը կարող ժպտադեմ դիմի փախուստի, իսկ մենք ամենաավանդական ժողովուրդն ենք: Այս մասին, այսօր՝ նոյեմբերի 1-ին, ԱԺ-ի դիմաց Ստամբուլյան կոնվենցիայի վավերացման դեմ կազմակերպված բողոքի ակցիայի ժամանակ նշեց ԲՀԿ խմբակցության պատգամավոր Գեւորգ Պետրոսյանը:
«Ես ասացի՝ դուք գիտե՞ք, որ գտնվում եք քաղաքակրթության օրրանում, դուք գիտե՞ք, որ մեր Սահմանադրության համաձայն միայն կինն ու տղամարդը իրավունք ունեն ամուսնական դաշինք կնքել: Ասացի, որ մենք այստեղ տեսնում ենք մեր ընտանեկան, ավանդական արժեհամակարգը քարկոծելու իրական նպատակ: Մեր ինքնիշխանությունը թույլ է տալիս մեզ չընդունել այն արժեքները, որոնք իմ խորին համոզմամբ, հակասում են մեր արժեհամակարգին: Իրենք չունեն փաստարկ»,-ասաց Գեւորգ Պետրոսյանը:
«Մենք չենք ասում՝ դուք վատ մարդիկ եք, մենք ասում ենք՝ մեզ համոզեք, որ առանց այդ կոնվենցիայի այս երկիրը չի կարող զարգանա»,-հավելեց նա:
Նշենք, որ այսօր ԱԺ-ում տեղի է ունեցել պատգամավորների և Եվրախորհրդի բարձրաստիճան ներկայացուցիչների համատեղ քննարկումը՝ կապված Ստամբուլյան կոնվենցիայի վավերացման հետ: Քննարկումը փակ էր: Հանդիպմանը մասնակցել են Վենետիկի հանձնաժողովի փոխնախագահ Վերոնիկա Բելկովան և Գրեվիոյի նախագահ Մարսելին Նաուդին:
Միաժամանակ ԱԺ բակում Ստամբուլյան կոնվենցիայի վավերացման դեմ բողոքի ակցիա է ընթանում:
