նախընտրելի դարձնելՄարտի 27-ին, ժամը 23.30-ի սահմաններում, օպերատիվ կառավարման կենտրոնից ոստիկանության Վաղարշապատի բաժին հաղորդում էր ստացվել, որ Մերձավան գյուղում քարով կոտրել են «Մերսեդես Բենց» մակնիշի մեքենայի ապակին:
Ոստիկանությունից NEWS.am-ին հայտնում են, որ օպերատիվ խումբը մեկնել էր դեպքի վայր: Պարզվել էր՝ մեքենայի տերը Երևանի բնակիչ է: Կոտրել էին ոչ միայն մեքենայի ապակին, այլև մեքենայից գողացել էին խաղալիքներ ու մանկական հագուստ։
Դեպքի առթիվ հարուցվեց քրեական գործ։
Գողությունը կատարած անձին և գողոնը հայտնաբերելու ուղղությամբ քրեական հետախույզներն անհրաժեշտ միջոցառումներ ձեռնարկեցին։ Հաղորդումից օրեր անց տեղեկություններ ստացվեցին, որ գողությունը հնարավոր է կատարած լինի Երևանի 62-ամյա մի բնակիչ։
Ապրիլի 17-ին նա Թումանյան փողոցից բերման ենթարկվեց ոստիկանության Վաղարշապատի բաժին։
Կասկածվողը ներկայացվել է Վաղարշապատի քննչական բաժին։ Նա խոստովանել է կատարածը։
Ձեռնարկվում են միջոցառումներ՝ գողոնը հայտնաբերելու ուղղությամբ:
Հարուցված քրեական գործի նախաքննությունը շարունակվում է:
