ՆախընտրելիՌուբեն Ռուբինյանը, տարիքից բացի, այլ առավելություններ էլ ունի. նա Ազգային ժողովի լավ փոխխոսնակ է։ Այս մասին դեկտեմբերի 21-ին լրագրողների հետ զրույցում ասաց Պաշտպանության եւ անվտանգության հարցերի մշտական խորհրդարանական հանձնաժողովի նախագահ, իշխող «Քաղաքացիական պայմանագիր» կուսակցության պատգամավոր Անդրանիկ Քոչարյանը՝ մեկնաբանելով Ռուբինյանի նշանակումը Թուրքիայի հետ երկխոսության հարցերով Հայաստանի հատուկ բանագնացի պաշտոնում։
Բացի այդ, իշխող մեծամասնությունից ԱԺ փոխխոսնակը, ինչպես նշեց Քոչարյանը, նախկինում զբաղեցնում էր փոխարտգործնախարարի պաշտոնը։ «Հարցը միայն դրանում չէ: Վստահ եմ, որ Ռուբինյանը բավականին ներկայացուցչական ապարատ կունենա, որը թույլ կտա բանակցել ավելի վաղ նշված բոլոր հարցերի շուրջ»,- ընդգծեց պատգամավորը։
Այնուամենայնիվ, Քոչարյանը Ռուբինյանի մասնագիտական մյուս արժանիքները չնշեց։ Նշենք, որ քննադատները մատնանշում են նրա` բանակցություններ վարելու փորձի բացակայությունը:
