նախընտրելի դարձնելՄայիսի 1-ին ոստիկանության Թալինի բաժնի ծառայողներն ապօրինի թմրաշրջանառության հերթական դեպքը բացահայտեցին:
Ոստիկանությունից NEWS.am-ին հայտնում են, որ ժամը 2-ի սահմաններում քրեական հետախույզները Արտենի գյուղից, «Օպել» մակնիշի մեքենայով հանդերձ, բաժին բերման ենթարկեցին Երևանի Խանջյան փողոցի 59-ամյա մի բնակչի: Նրա անձնական խուզարկությամբ հայտնաբերվեց երկու փաթեթ սպիտակ փոշենման զանգված, որը, ըստ 59-ամյա տղամարդու, ապրիլի 29-ին Կենտրոն վարչական տարածքում մի անծանոթ զբոսաշրջիկ էր տվել:
Ըստ փորձաքննությունների՝ հայտնաբերվածը «a-PVP» տեսակի թմրամիջոց է:
Դեպքի առթիվ հարուցվել է քրեական գործ:
Հանգամանքները պարզվում են:
