նախընտրելի դարձնել«Դիմադրություն» շարժման անդամները հավաքվել են Արարատի մարզպետարանի դիմաց եւ ցանկանում են հստակեցնել ՏԻՄ ղեկավար կազմի դիրքորոշումը «Դիմադրության» շարժման ձևակերպած հայտարարության մասին:
Ակցիայի մասնակիցներից մի քանիսը մտան մարզպետարանի շենք՝ ճշտելու մարզպետ Սեդրակ Թեւոնյանի դիրքորոշումը այդ հարցում:
Հանդիպումից հետո ակցիայի մասնակիցները նշեցին, որ Արարատի մարզպետը հրաժարվել է ասել, որ Արցախը չի լինելու Ադրբեջանի կազմում։
Նշենք, որ նմանաիպ կցիա տեղի է ունեցել նաեւ Շիրակի մարզպետարանի դիմաց:
Հիշեցնենք, որ «Դիմադրության» շարժումը ներկայացրել է հայտարարության տեքստ, որի օրակարգով հունիսի 3-ին ԱԺ արտահերթ նիստ է հրավիրել:
Հայտարարությունում, մասնավորապես, նշվում են հետեւյալ պահանջները.
«Հայաստանն աջակցելու է Արցախի ժողովրդի ինքնորոշման իրավունքի լիարժեք իրացմանը:
Արցախը երբեք չի լինելու Ադրբեջանի կազմում:
Հայաստանի Հանրապետության և Արցախի Հանրապետության միջև պետք է լինի հուսալի ցամաքային կապ․ Արցախն անկլավ չի լինելու:
Հայաստանի Հանրապետությունն Արցախի ժողովրդի անվտանգության և ինքնորոշման իրավունքի իրացման երաշխավորն է:
Սահմանագծման և սահմանազատման աշխատանքները պետք է իրականացվեն ՀՀ ինքնիշխան տարածքից Ադրբեջանի զորքերի դուրս բերման նախապայմանով:
Սահմանագծման և սահմանազատման աշխատանքների արդյունքում բացառվում է Հայաստանի Հանրապետության ամբողջականության խաթարումը:
Հայ-թուրքական հարաբերությունների կարգավորման գործընթացում բացառվում է որևէ համաձայնություն, որը հարցականի տակ կդնի Հայոց ցեղասպանությունը:
Ադրբեջանի և Թուրքիայի հետ ճանապարհների ապաշրջափակումը չի կարող տեղի ունենալ միջանցքային տրամաբանությամբ»:
