նախընտրելի դարձնելԲեռլինում պայթել է ակվարիում, որում մոտ 1500 էկզոտիկ ձուկ էր ապրում։
Շուրջ 100 փրկարարներ շտապել են դեպքի վայր քաղաքի կենտրոնում գտնվող ժամանցային համալիրում, հայտնել են արտակարգ իրավիճակների ծառայությունները, հաղորդում է Reuters-ը:
«Բացի անհավանական ծովային վնասից․․․երկու մարդ ապակու բեկորներից վիրավորվել է», —Twitter-ում հայտնել է Բեռլինի ոստիկանությունը։
Սա աշխարհի ամենամեծ գլանաձեւ ակվարիումն էր՝ 14 մ բարձրությամբ, հայտնում է DomAquaree համալիրի կայքը։ Համալիրում տեղակայված են Radisson հյուրանոցը, թանգարան, խանութներ ու ռեստորաններ:
Համալիր են ուղարկվել ավտոբուսներ՝ հյուրանոցի հյուրերին տարհանելու համար, քանի որ Բեռլինում օդի ջերմաստիճանը մոտ -7 աստիճան Ցելսիուս է եղել։
