նախընտրելի դարձնելՉնախատեսված կանգառներ ունեցա Նոր Կեսարիա համայնքում:Այս մասին իր ֆեյսբուքյան էջում գրել է ՀՀ վարչապետ Նիկոլ Փաշինյանը:
«Գյուղացիական տնտեսությունների ներկայացուցիչների հետ քննարկեցինք ինտենսիվ այգիների անցնելու հնարավորություններն ու կառավարության ծրագրերը»,- գրել է նա:
Նա հող մշակողների հետ քննարկել է ոռոգման արդյունավետ եղանակը եւ խորհուրդ տտվել, որ կաթիլային եղանակով ոռոգեն, ինչին ի պատասխան գյուղացին նշել է, որ դրա համար գումար չկա:
«Եթե կաթիլային համակարգով եք ոռոգում, 5 տարի էլ ոռոգման համար գումար չեք վճարում, պետական ծրագիր է գործում»,- ասաց Փաշինյանը գյուղացուն:
Գյուղացիներից մեկն էլ Փաշինյանին ասաց, որ իրենց գյուղում հողերը վարձակալական հիմունքներով են, վարձակալության ժամկետը լրացել է, հիմա գնում են հողերի խոշորացման, սակայն հողի հարկերն են թանկացել:
Գյուղացու բողոքին ի պատասխան Փաշինյանը պատասխանեց, որ մտածողությունն է պետք փոխել, կաթիլային ոռոգման անցնել եւ նոր որակի գյուղատնտեսությամբ զբաղվել:
Գյուղացին էլ զրույցի վերջում Փաշինյանին հրավիրեց գյուղ. «Դե արի գնանք գյուղ, մի բանով հյուսրասիրենք, ինչ կա էն կհյուսրասիրենք»:
