նախընտրելի դարձնելՔՊ-ն չի կարող այդպիսի գործելակերպ ունենալ, որովհետեւ այդպիսի գործելակերպը հակասում է ՔՊ-ի էությանն ու արժեքներին: Այս մասին Հանրային հեռուստաընկերությանը տված հարցազրույցում նշեց ՀՀ վարչապետ Նիկոլ Փաշինյանը՝ անդրադառնալով լուրերին եւ պնդումներին, որ ՔՊ-ն փողով մարդկանց է բերում քարոզարշավին, վարչական ռեսուրս է օգտագործում եւ անգամ տեսանյութեր կան:
«Դրա համար Հայաստանում կա քրեական օրենսգիրք, այլ օրենսգրքեր եւ յուրաքանչյուր դեպք պետռք է արժանանա օբյեկտիվ քննության: Ես որպես կուսակցության վարչության նախագահ, կարող եմ ասել, որ մենք ոչ միայն չենք կարող այդպիսի գործելակերպ ունենալ, այլեւ ցանկացած նման դեպք, որը կհիմնավորվի որպես այդպիսին, կունենա օրենքով սահմանված գնահատական եւ արձագանք:
Իհարկե, եթե հանկարծ չպարզվի, որ խոսքն օրինական գործունեության մասին է, որովհետև, եթե լինեն դեպքեր, որ խոսքը գովազդային հոլովակների մասով որոշակի աջակցություն ստանալն է, դա բոլորովին ուրիշ իրավիճակ է: Բայց այն, ինչ ՀՀ-ում նկատի է առնվել և առնվում՝ փող բաժանել և այլն, դա չի կարող մեր կուսակցության գործելակերպը լինել, քանի որ դրանով մեր էությանը կվնասենք», - հայտարարեց Փաշինյանը:
